سنڌ جي گورنر ڪامران خان ٽيسوري سان چيني سفير ملاقات ڪئي آهي.
گورنر هائوس ۾ ملاقات دوران پاڪ-چين جي ٻطرفن لاڳاپن، سي پيڪ منصوبي، صوبي ۾ چيني سيڙپڪاري ۽ ٻين معاملن تي خيالن جي ڏي وٺ ڪئي وئي.
گورنر سنڌ ڪامران خان ٽيسوري چيو ته پاڪستان ۽ چين جي دوستي هماليه کان بلند آهي، چين جي ترقي واري ماڊل مان فائدو حاصل ڪرڻ چاهين ٿا، سي پيڪ منصوبي ۾ سرڪلر ريلوي جي مڪمل ٿيڻ خطي لاءِ اهم ثابت ٿيندو.
هن چيو ته صوبي ۾ پائيدار امن سيڙپڪاري لاءِ انتهائي ڪارائتو ثابت ٿي رهيو آهي، انفارميشن ٽيڪنالاجي جي شعبي ۾ چين جي سهڪار تيزيءَ سان ترقيءَ جو سبب بڻجندي.
چيني سفير چيو ته هيگسنگ گروپ قابل تجديد توانائي جي شعبي ۾ سيڙپڪاري ڪرڻ جو خواهشمند آهي، هيڪسنگ گروپ پاڪستان ۾ انورٽرز ۽ بيٽري ٺاهڻ وارو پهريون چيني ادارو هوندو. گورنر سنڌ ڪامران خان ٽيسوري، چيني سفير کي جناح ٽوپي ۽ شال پڻ پيش ڪئي
