پنجاب جي سينيئر صوبائي وزير مريم اورنگزيب چيو آهي ته پنجاب ۾ اسموگ جو مسئلو وڌي رھيو آھي، جنهن لاءِ قدم کڻي رهيا آهيون
سينيئر صوبائي وزير مريم اورنگزيب لاهور ۾ پريس ڪانفرنس ڪندي چيو آهي ته لاھور گھڻي حد تائين اسموگ سبب متاثر ٿي رھيو آھي
سينيئر صوبائي وزير وڌيڪ چيو ته لاھور ۾ اسموگ سبب اسڪول ۽ صحت جا ادارا متاثر ٿي رھيا آھن
مريم اورنگزيب وڌيڪ چيو ته گذريل دور ۾ اسموگ جي روڪٿام لاءِ ڪوبه اپاءُ نه ورتو ويو، جڏهن ته اسموگ سان موت ٿي رهيا آهن
سينيئر صوبائي وزير وڌيڪ چيو ته پنجاب ۾ پلاسٽڪ بيگز تي پابندي لڳائي وئي آهي
هن چيو ته خراب گاڏين تي ٻه هزار ڏنڊ لڳايو ويندو ، لاهور ۾ جلد اليڪٽرڪ بسز هلايون وينديون
وزيراعليٰ پنجاب اي ٽرانزٽ ماس سسٽم متعارف ڪرائي رهي آهي ، جڏهن ته فصلن جي باقيات ساڙڻ لاءِ زيرو ٽالرنس آهي . سندس چوڻ هو ته سياسي آلودگي کي صاف ڪرڻ سياسي جماعتن جي ذميواري آهي
