بچاءُ واري وفاقي وزير خواجا آصف، افغانستان سان سڌي ريت ڳالهيون ڪرڻ واري وڏي وزير علي امين گنڊاپور جي بيان کي وفاق تي حملو قرار ڏئي ڇڏيو، سندس چوڻ آهي ته ڪو به صوبو سڌي طرح ڪنهن ملڪ سان ڳالهيون نٿو ڪري سگهي
قومي اسيمبلي جي اجلاس ۾ اسپيڪر کي مخاطب ٿيندي وفاقي وزير خواجا آصف چيو ته اسپيڪر صاحب، توهان هن ايوان جي تقدس ۽ وقار لاءِ قدم کنيا آهن، جيڪي ڀائر پروڊڪشن آرڊر تي ايوان ۾ آيا آهن، انهن کي نمائندگي جو حق مليو آهي پر کائن ڪيترن ئي سالن تائين نمائندگي جو حق کسيو ويو
خواجا آصف چيو ته شير افضل مروت تعميري ڳالهه ڪئي، مروت صاحب اسيمبلي ۾ ڪجهه وقت مونسان مليو ته ان تي سندس پارٽي تنقيد ڪئي، هتي اهڙو ماحول پيدا ڪيو ويو آهي، جو هڪٻئي سان هٿ به ناهي ملائڻو، ڪڏهن پيپلز پارٽي ۽ ن ليگ ۾ تلخي به رهي آهي هن چيو ته ڪي پي جي وڏي وزير جو افغانستان سان پاڻمرادو ڳالهين وارو بيان وفاق تي حملو آهي، کيس اهڙو بيان نه ڏيڻ گهرجي ها، ڪو به صوبو سڌي ريت ڪنهن ملڪ سان ڳالهيون نٿو ڪري سگهي
