سنڌ اسيمبلي منشيات جي روڪٿام وارو بل منظور ڪري ورتو آهي.
سينيئر وزير شرجيل ميمڻ پاران پيش ڪيل “ دي سنڌ ڪنٽرول آف نارڪوٽڪس بل 2024” اتفاق راءِ سان منظور ڪيو ويو.
شرجيل ميمڻ بل منظور ٿيڻ بعد ڳالهائيندي چيو ته منشيات کي نه روڪيو ويو ته ڪير به نه بچندو، سڀ چونڊيل نمائندا منشيات جي خاتمي لاءِ ڪردار ادا ڪن.
هن چيو ته صدر آصف علي زرداري، بلاول ڀٽو زرداري ۽ ڪابينا جون منشيات جي روڪٿام لاءِ ڪوششون ساراهه جوڳيون آهن.
جيڪڏهن منشيات تي ضابطو نه آندو ويو ته هي وبا هر گهر تائين پکڙجي ويندي، ڪرسٽل ۽ آئيس جو نشو انسان کي چريو بڻائي ڇڏي ٿو.
ايڪسائيز کاتي ۾ فورس کي خاص ٽريننگ ڏياري رهيا آهيون، قانون تي عمل ڪرائڻ اسان سمورن جو فرض آهي. هن وڌيڪ چيو ته اسان کي پنهنجي نوجوان نسل کي ٺيڪ رستي تي آڻڻو آهي
