ٽيڪس لاءِ ڪنهن کي به حراسان نه ڪيو ويندو: محمد اورنگزيب

ناڻي واري وفاقي وزير محمد اورنگزيب چيو آهي ته ٽيڪس لاءِ ڪنهن کي به حراسان نه ڪيو ويندو، نان فائلرز، گاڏيون ۽ ملڪيتون خريد ڪري نه سگهندا، نان فائلر بابت قانوني ڪور جي ضرورت آهي، ناڻي واري وفاقي وزير محمد اورنگزيب واشنگٽن ۾ پريس ڪانفرنس ڪندي چيو ته نان فائلر جي اصطلاح ختم ڪري رهيا آهيون، امريڪا ۾ اسٽيڪ هولڊرز سان هاڪاري ملاقاتون ٿيون، هُنن پاڪستان ۾ مهانگائي جي گهٽتائي تي واکاڻ ڪئي، ريٽنگ ايجنسيون به چئي رهيون آهن ته پاڪستان جي معيشت بهتري طرف وڃي رهي آهي، ورلڊ بينڪ پاڪستان کي قرض نه پر گرانٽ ڏيندي، آءِ ايم ايف سان ڳالهيون ٿيون آهن، ڪوشش هوندي ته آءِ ايم ايف سان هِي آخري پروگرام هجي.