ڇويهين آئيني ترميم پ پ چيئرمين جو دور انديشي وارو قدم آهي: شرجيل انعام

ڪراچي (ويب ڊيسڪ) شرجيل انعام ميمڻ 26 هين آئيني ترميم کي پ پ پ چيئرمين جو دور انديش قدم قرار ڏئي ڇڏيو آهي، سنڌ جي سينيئر صوبائي وزير پاران جاري بيان ۾ چيو ويو آهي ته 18هين ترميم جيان 26 هين ترميم به پاڪستاني سياسي منظرنامي ۾ انقلابي قدم آهي، چيئرمين بلاول ڀٽو جي دور انديشي فخر ۽ تعريف جوڳي آهي، شرجيل ميمڻ موجب ترميم کي حقيقت بڻائڻ ۾ بلاول ڀٽو زرداري جي قيادت ۽ محنت تمام گهڻي اهم رهي، 26 هين آئيني ترميم چيئرمين بلاول ڀٽو جي محنت ۽ ڪوششن سان ئي ممڪن ٿي آهي، بلاول ڀٽو پاڪستان کي روشن ۽ برابري واري مستقبل ڏانهن رهمنائي ڪرڻ ۾ مک ڪردار ادا ڪيو، شرجيل ميمڻ جو چوڻ هو ته چيئرمين بلاول ڀٽو جو قدم وڌيڪ برابري ۽ متحد پاڪستان کي هٿي وٺرائيندو، 26 هين آئيني ترميم سان وفاق وڌيڪ مضبوط ۽ متحد ٿيندو، 26 هين آئيني ترميم سان صوبن کي برابر نمائندگي ملندي، 26 هين آئيني ترميم وڌيڪ جامع ۽ منصفاڻي معاشري جي تعمير ۾ مدد ڪندي، جامع ۽ منصفاڻي معاشري سان پوري قوم کي فائدو ٿيندو، ترميم سان جمهوريت وڌيڪ مضبوط ٿيندي ۽ شهرين جي حقن جي ضمانت ڏني ويندي. شرجيل ميمڻ بيان ۾ وڌيڪ چوڻ آهي ته هن آئيني ترميم جو مقصد سمورن صوبن لاءِ بهتر نمائندگي کي يقيني بڻائڻ آهي، آئيني ترميم جو مقصد جمهوريت ۽ انصاف جي نظام کي مضبوط ڪرڻ آهي، چيئرمين بلاول ڀٽو ملڪ کي روشن ۽ وڌيڪ برابري واري مستقبل ڏانهن وٺي ويو آهي، انصاف جي نظام ۾ برابر نمائندگي بابت پراڻا مسئلا حل ٿي ويندا ۽ جمهوريت وڌيڪ مضبوط ٿيندي.