ٻڌي ڪري کيڏجو، پي سي بي چيئرمين جي رانديگرن کي ملاقات ۾ هدايت

لاهور (ويب ڊيسڪ) پاڪستان ڪرڪيٽ بورڊ جي چيئرمين محسن نقويءَ ان اميد جو اظهار ڪيو آهي ته محمد رضوان جي قيادت ۾ پاڪستان ٽيم آسٽريلوي ۽ زمبابوين دوري ۾ سٺي ڪارڪردگي ڏيکاريندي.آسٽريليا روانون ٿيڻ کان اڳ پي سي بي چيئرمين محسن نقويءَ وائيٽ بال ڪپتان محمد رصوان ۽ نائب ڪپتان سلمان آغا سان لاهور ۾ ملاقات ڪئي. محسن نقويءَ ڪپتان محمد رضوان ۽ نائب ڪپتان سلمان علي آغا جي لاءِ نيڪ خواهشن جو اظهار به ڪيو ۽ کين هدايت ڪئي ته پاڻ ۾ ٻڌي ڪري کيڏجو. پي سي بي چيئرمين چيو ته وائيٽ بال ٽيم جي قيادت هڪ اعزاز آهي، آسٽريليا ۽ زمبابوين سيريز ۾ قوم توهان جي قيادت ۾ ٽيم مان سٺي ڪارڪردگيءَ جي اميد رکندي. محسن نقويءَ چيو ته پاڪستان ٽيم ۾ باصلاحيت پروفيشنلز موجود آهن، آسٽريليا ۽ زمبابوي ۾ ٽيم مان سٺي ڪارڪردگيءَ جي اميد آهي.