ڪڏهن ڪڏهن هڪ جملو لکڻ سان ڪيس 18، 18 سال هلندا رهندا آهن: چيف جسٽس

اسلام آباد (ويب ڊيسڪ) چيف جسٽس پاڪستان جسٽس يحيٰ آفريديءَ هڪ ڪيس جي ٻڌڻيءَ دوران رمارڪس ڏيندي چيو ته ڪڏهن ڪڏهن سپريم ڪورٽ جي هڪ جملي لکڻ سان ڪيس 18، 18 سال هلندا رهندا آهن. سپريم ڪورٽ ۾ زمين جي تڪرار جي ڪيس جي ٻڌڻي ڪندي جسٽس يحيٰ آفريديءَ جي سربراهيءَ ۾ به رڪني بئنچ ڪئي. ٻڌڻيءَ دوران درخواست گذار جي وڪيل گھُر ڪئي ته سپريم ڪورٽ لکت واري حڪم ۾ لاڳاپيل فورم سان رجوع ڪرڻ جي هدايت جاري ڪري. ٻڌڻيءَ دوران ڪيس جي ڊيگھه بابت چيف جسٽس پاڪستان يحيٰ آفريديءَ رمارڪس ڏيندي چيو ته  ڪڏهن ڪڏهن سپريم ڪورٽ جي هڪ جملو لکڻ جي ڪري 18، 18 سال ڪيس هلندا رهندا آهن، حڪم ۾ اهڙو ڪجھه نه لکنداسين جنهن سان ٻيهر سول ڪورٽ ۾ ڪيس شروع وڃي.