مِني بجيٽ آڻڻ جو دٻاءُ وڌي ويو، آءِ ايم ايف هنگامي مشن ايندڙ هفتي پاڪسان ايندو

اسلام آباد (ويب ڊيسڪ)عالمي مالياتي اداري جي طرفان ڏنل هدف پورا نه ڪرڻ تي آءِ ايم ايف جو مددگار مشن مني بجيٽ آڻڻ لاءِ حڪومت سان ڳالهيون ڪرڻ لاءِ ايندڙ هفتي پاڪستان جو دورو ڪندو. پاڪستان طرفان هدفن جي حصول ۾ ناڪاميءَ بعد مني بجيٽ آڻڻ لاءِ دٻاءَ وڌي ويو آهي، مالي سال جي پهرئين ڇهه ماهي (جولاءِ، ڊسمبر) ۾ 321 ارب رپين جي ٽئڪس خساري جو امڪان آهي جنهن کان پوءِ آءِ ايم ايف ايندڙ هفتي پنهنجو هنگامي مشن پاڪستان موڪلڻ جو فيصلو ڪيو آهي جيئن ڳالهيون ڪيون وڃن ۽ مني بجيٽ لاڳو ڪرڻ وسيلي اصلاحن جي لاءِ زور ڏنو وڃي. آءِ ايم ايف جي اسٽاف ٽيم ناٿن پورٽر جي سربراهيءَ ۾ 11 نومبر کان 15 نومبر تائين معاشي صورتحال جو جائزو وٺڻ لاءِ پاڪستان جو دورو ڪندي، ٽيم پاڪستان ۾ آءِ ايم ايف قرض پروگرام جو به جائزو وٺندي، جڏهن ته ايف بي آر طرفان هلندڙ مالي سال جي شروعاتي 4 مهينن دوران جمع ڪرايل ٽئڪس روينيو جي حدف ۾ شارٽ فال جو به جائزو وٺندي.