غزا تي اسرائيلي حملن ۾ وڌيڪ 25 فلسطيني شهيد

غزا (ويب ڊيسڪ) غزا تي اسرائيلي حملن ۾ وڌيڪ 25 فلسطيني شهيد ٿي ويا جڏهن ته درجنين زخمي ٿي پيا، دير البلاح تي اسرائيلي فورسز جي حملي ۾ 6 فلسطيني شهيد ٿي ويا، اتر غزا ۾ 12 کان وڌيڪ فلسطينين شهادت ماڻي، گڏيل قومن جو چوڻ آهي ته غزا ۾ ڏڪار سبب موتن جي انگ ۾ واڌاري جو خطرو وڌي ويو آهي. ٻئي طرف اسرائيلي جنگي جهازن جي بيروت جي ٻهراڙي ۾ بمباري ڪري 28 ڄڻا شهيد ڪري ڇڏيا، ڏاکڻين علائقن ۾ لڳ ڀڳ 12 هوائي حملا ڪيا ويا، سخت بمباري سبب آسمان تي دونهين جا ڪڪر ڇانئجي ويا، لبناني ڳوٺ بالچمي ۾ 8 ڄڻا ۽ مائونٽ لبنان ۾ 6 شهري شهيد ٿي ويا، حزب الله جي جوابي ڪارروائي ۾ اتر اسرائيل ۾ ڊرون حملا، 2 اسرائيلي مارجي ويا، اسرائيلي بچاءَ واري وزير جو چوڻ آهي ته هو هدف مڪمل ٿيڻ تائين جنگبندي کي رد ڪن ٿا.