ڪراچي سميت سنڌ جي 18 ضلعن ۾ مڪاني ادارن جي خالي سيٽن تي پولنگ مڪمل، ڳڻپ جاري

ڪراچي (ويب ڊيسڪ) ڪراچي سميت سنڌ جي 18 ضلعن ۾ مڪاني ادارن جي خالي ٿيل 38 سيٽن تي پولنگ جو عمل مڪمل ٿيڻ بعد ووٽن جي ڳڻپ جو عمل جاري آهي، شام پنجين وڳي تائين بنا ساهي جي پولنگ جاري رهي، آزاد اميدوارن سميت 180 اميدوار ميدان تي لٿل آهن، گڏيل طور 4 لک 63 هزار 493 ووٽر پنهنجي ووٽ جو حق استعمال ڪيو، پولنگ لاءِ 290 پولنگ اسٽيشنز ۽ 1039 پولنگ بوٿ قائم ڪيا ويا هئا، ڪراچي جي 167 پولنگ اسٽيشنن مان 136 حساس قرار ڏنا ويا هئا، ڪراچي جي 6 ضلعن ملير، ڪورنگي، ڏکڻ، سينٽرل، ڪياماڙي ۽ اولهه ضلعي ۾ پولنگ، ‎حيدرآباد، مٽياري، سکر، لاڙڪاڻو، جيڪب آباد، ڪشمور، شڪارپور ۾ مختلف سيٽن تي پولنگ جو عمل مڪمل ڪيوويو، قمبر، شهدادڪوٽ گهوٽڪي، خيرپور، نوشهروفيروز، شهيد بينظير آباد، سانگهڙ، ميرپورخاص،عمرڪوٽ، ٿرپارڪر، مٽياري، ٽنڊي الهيار ۾ به پولنگ عمل کي بند ڪيو ويو، ان دوران سڪيورٽي جا سخت انتظام.