بشريٰ بي بي جا سعودي عرب تي لڳايل الزام افسوس ناڪ آهن: خواجه آصف

اسلام آباد (ويب ڊيسڪ) بچاءُ واري وفاقي وزير خواجا آصف چيو آهي ته بشريٰ بي بي جا سعودي عرب تي لڳايل الزام افسوس ناڪ آهن، بشريٰ بي بي پي ٽي آءِ جي ٻڏندڙ سياسي ٻيڙي بچائڻ لاءِ دوست ملڪ تي الزام لڳايو آهي، پي ٽي آءِ ۾ ويٺل عورتن وچ ۾ جهيڙو هلي رهيو آهي. پريس ڪانفرنس ڪندي خواجه آصف چيو ته وراثت جي ويڙهه ۾ ٽي عورتون هڪ طرف ۽ بشريٰ بي بي ٻئي طرف آهي، ڀاڄائي ۽ ڏيرياڻين وچ ۾ سياسي ڇڪتاڻ هلي رهي آهي. خواجا آصف وڌيڪ چيو ته 24 نومبر تي ڏنل احتجاج واري تاريخ دراصل وفاق تي ٽيون ڀيرو چڙهائي جي تاريخ آهي، بشريٰ بي بي جي بيان تي رٽائرڊ جنرل باجوا کي پاڻ ترديد ڪرڻ گهرجي، ڪجهه ڏينهن اڳ پي ٽي آءِ باني چيو ته اسٽيبلشمينٽ سان ڳالهيون ڪنداسين، ڪالهه وري بيان ڏنو ته سندن سياستدانن سان رابطا آهن، حڪومت جون پي ٽي آءِ سان ڪي به ڳالهيون نه ٿي رهيون آهن، عدالت جي فيصلي تي عمل ڪيو ويندو.