پي ٽي آءِ لاشن جي سياست پئي ڪري، فوج سرحدن تي نه هوندي ته ڪير به محفوظ نه رهندو: عطا تارڙ

اسلام آباد (ويب ڊيسڪ) سڌ سماءَ واري وفاقي وزير عطا تارڙ جو چوڻ آهي ته ٽي ڏينهن گذري ويا آهن پي ٽي آءِ وارن ڪو به ثبوت سامهون ناهي آندو، پي ٽي آءِ لاشن جي سياست ڪري رهي آهي، پي ٽي آءِ جا ماڻهو فوت ٿيا آهن ته انهن جا لاش ڪٿي آهن؟ بشريٰ بي بي رتوڇاڻ ڪرائڻ چاهي پئي پر ڪامياب نه ٿي سگھي، ڪنهن کي به تشدد جي اجازت نه ٿي ڏئي سگهجي. سڌ سماءَ واري وفاقي وزير عطا تارڙ پريس ڪانفرنس ڪندي وڌيڪ چيو ته پي ٽي آءِ ۾ اقتدار جي جنگ پئي هلي، عليمه بي بي ۽ بشريٰ بي بي جو ڌار ڌار گروپ بڻيل آهي، حڪومت ملڪ کي معاشي استحڪام ڏانهن وٺي وڃي رهي آهي، فوج سرحدن تي نه هوندي ته پاڪستان ۾ ڪير به محفوظ نه رهندو.