پ پ جمهوريت لاءِ  قربانيون ڏنيون، شهيد ڀٽو پاڪستان کي آئين ڏنو ۽ ايٽمي طاقت بڻايو: شرجيل انعام ميمڻ

حيدرآباد (ويب ڊيسڪ) سنڌ جي سينيئر صوبائي وزير شرجيل ميمڻ چيو آهي ته پيپلزپارٽي جون ملڪ جي لاءِ  تمام وڏيون قربانيون آهن، چاهيون ٿا ته واپارکي هٿي ملي ۽ سيڙپڪاري ۾ واڌ ٿئي. حيدرآباد ۾ سنڌ جي سينيئر صوبائي وزير شرجيل انعام ميمڻ، سيد ناصر حسين شاهه ۽ ٻين تقريب بعد ميڊيا سان ڳالهائيندي چيو ته پيپلزپارٽي سدائين جمهوريت لاءِ  قربانيون ڏنيون آهن، شهيد ڀٽو پاڪستان کي آئين ڏنو ۽ ايٽمي طاقت بڻايو، هن چيو ته ملڪ ڪيتريون ئي سياسي پارٽيون ايٽم بم ٺاهڻ جو ڪريڊٽ پاڻ وٺڻ جي ڪوششون ڪنديون آهن، پر ملڪ ۾ ان جو بنياد پاڪستان پيپلز پارٽيءَ جي باني شهيد ذوالفقار علي ڀٽو وڌو هو، شرجيل ميمڻ وڌيڪ چيو ته پيپلزپارٽي سدائين عوام جي حقن جي ڳالهه ڪئي آهي، آصف علي زرداري بلوچستان جي عوام جي احساسي محرومي ختم ڪئي. سي پيڪ منصوبي جي شروعات به آصف علي زرداري ڪئي. سندس چوڻ هو ته پي ٽي آءِ  وارا ميدان ڇڏي فرار ٿي ويا، قومي ايئر لائن جي يورپ ۾ رسائي تي سموري قوم کي واڌايون ڏيان ٿو، صدر آصف علي زرداريءَ پارليامينٽ کي مضبوط ڪيو. تحريڪ انصاف لاشن جي سياست ڪري رهي آهي، پي ٽي آءِ جيڪا دعويٰ ڪئي ان جا ثبوت پيش نه ڪري سگھي آهي.