وزيراعظم پاران ڪمند ڪرشنگ دوران شگر ملز جي مانيٽرنگ جو فيصلو، ڪم ايف آءِ اي حوالي

اسلام آباد (ويب ڊيسڪ) ڪرشنگ سيزن دوران ايف آءِ اي شوگر ملز جي مانيٽرنگ جو فيصلو ڪيو آهي. وزيراعظم جي حڪمن تي ايف آءِ اي لاهور زون جون ٽيمون ٽن شوگر ملز تي مقرر ڪيون ويون آهن، شوگر ملز ۾ کنڊ جي پيداوار، اسٽاڪ ۽ سيلز جو روزانون جو رڪارڊ سهيڙيو ويندو، ايف آءِ اي وزيراعظم جي حڪم تي عمل ڪرڻ جي لاءِ خاص ٽيمون جوڙي ڇڏيون آهن، جيڪي شگر ملز ۾ کنڊ جي پيداوار، اسٽاڪ جو رڪارڊ پاڻ وٽ رکنديون. ٽئڪس چوري روڪڻ لاءِ ملز جي وڪري جو روزانون رڪارڊ مرتب ڪيو ويندو، شوگر ملز ۾ ڪمند جي آمد ۽ ٽرالين جي تعداد جو رڪارڊ پڻ رکيو ويندو. ايف آءِ اي لاهور زون جون ٽيمون ٽن شوگر ملز تي مقرر ڪيون ويون، ڊائريڪٽر لاهور زون سرفراز خان ورڪ ٽيمن کي ٽاسڪ ڏيندي هدايت ڪئي آهي ته سموريون ٽيمون تمام ذميواري ۽ ايمانداريءَ سان ڊيٽا گڏ ڪن.