اسلام آباد (نيشنل ڊيسڪ) مخالف ڌر جي پارٽين جي ڪانفرنس روڪڻ جي لاءِ انتظاميه هوٽل بند ڪري ڇڏيو جنهن کان پوءِ اڳواڻ گيٽ ٽپي هوٽل ۾ داخل ٿي ويا.
مخالف ڌر پارٽين جي ڪانفرنس اسلام آباد جي هڪ مقامي هوٽل ۾ ٿيڻي هئي پر انتطاميه ان کان اڳ ئي هوٽل کي تالا هڻي بند ڪري ڇڏيو.
هوٽل جي گيٽ تي موجود پوليس اهلڪارن مخالف ڌر اڳواڻن کي چيو ته هتي ڪا به ڪانفرنس نه ٿيندي.
انتظاميه طرفان اجازت نه ملڻ کان پوءِ مخالف ڌر پارتين جي اڳواڻن گيٽ ٽپي هوٽل ۾ داخل ٿي ويا ۽ هوٽل جو مرڪزي دروازو کولي ڇڏيو.
مخالف ڌر اڳواڻ محمود خان اچڪزئي، شاهد خاقان عباسي، صاحبزاده حامد رضا ۽ سلمان اڪرم راجا هوٽل ۾ داخل ٿيڻ ۾ ڪامياب ٿي ويا.
بعد ۾ مخالف ڌر پارٽين جي اڳواڻن هوٽل جي لابيءَ ۾ ئي ڪانفرنس ڪرڻ جو اعلان ڪيو جڏهن ته پوليس اهلڪارن ۽ ايف سي جا دستا هوٽل جي ٻاهران موجود هئا.
مخالف ڌر اڳواڻن جو چوڻ هو ته حڪومت ڪانفرنس ملتوي ڪرائڻ لاءِ هڙئي هيلا هلائي رهي آهي پر فيصلو ڪيو آهي ته اڄ ڪانفرنس ضرور ٿيندي.
بدنصيبي آهي ته جمهوريت جي ڳالهه ڪندڙ جمهوريت کان ڊنل آهن.
