اسلام آباد (نيشنل ڊيسڪ) آپريشن سوئفٽ ريٽارٽ کي 6 ورهيه مڪمل، وزيراعظم، چيئرمين جوائنٽ چيفس آف اسٽاف، سروسز چيف طرفان هٿياربند فوج کي ڀيٽا پيش.
وزيراعظم شهباز شريف چيو آهي ته 27 فيبروري 2019 تي دشمن کي ٻڌايو ويو ته پاڪستان پنهنجي سرحدن جي حفاظت جي ڀرپور صلاحيت رکي ٿو.
ڀارت جي خطي ۾ اڳرائي جو منهن ٽوڙ جواب ڏنو ويو، آپريشن سوئفٽ ريٽارٽ ۾ پاڪستان ايئرفورس پنهنجي عسڪري صلاحيتن جو مظاهرو ڪيو.
عسڪري قيادت پاران هٿياربند فوج جي حوصلي، پروفيشنلزم ۽ قربانين جي ساراهه ڪئي وئي.
آءِ ايس پي آر جو چوڻ آهي ته آپريشن سوئفٽ ريٽارٽ ڀارت جي بناجواز اڳرائي خلاف مضبوط ۽ محتاط جواب هو.
آپريشن پاڪستان جي خودمختياري ۽ علائقائي سلامتي جي عزم کي هڪ ڀيرو ٻيهر ثابت ڪيو، هٿياربند فوج ڪنهن به خطري جو مقابلو ڪرڻ لاءِ تيار آهي.
