ڪراچي (ويب ڊيسڪ) مصطفيٰ عامر قتل ڪيس جي جوابدارن ارمغان ۽ شيراز جي جسماني رمانڊ ۾ 5 ڏينهن جي واڌ.
دهشتگردي ٽوڙ عدالت جوابدارن جي ميڊيڪل ڪرائڻ جو حڪم ڏئي ڇڏيو.
ٻڌڻي دوران سرڪاري وڪيل چيو ته جوابدار جي جسماني رمانڊ ۾ واڌ ڪئي وڃي، جڏهن ته جاچ آفيسر عدالت کي ٻڌايو ته جوابدارن جنهن ڇوڪريءَ تي تشدد ڪيو هو ان کي ڳوليو ويو آهي، اڄ ڇوڪريءَ جو بيان رڪارڊ ڪرڻو آهي، شاهدن جا 164 جا بيان قلم بند ڪرڻا آهن.
جوابدار جي وڪيل پوليس جي جسماني رمانڊ جي مخالف ڪئي، ان موقعي تي جوابدار ارمغان جو چوڻ هو ته مون کي اذيت ۾ رکيو پيو وڃي، کاڌو نٿو ڏنو وڃي ۽ 10 ڏينهن کان واش روم وڃڻ بند ڪيو ويو آهي.
عدالتن جوابدار ارمغان کي چيو ته اهو ممڪن ناهي، 10 ڏينهن باٿروم نه وڃي ها ته هتي بيٺل نظر نه اچي ها.
مصطفيٰ عامر قتل ڪيس ۾ آءِ جي سنڌ ۽ ڪراچي پوليس چيف کي وزيراعليٰ هائوس طلب ڪيو ويو.
اجلاس ۾ مصطفيٰ عامر قتل ڪيس جي جاچ ۽ اڳڀرائي بابت بريفنگ ڏني وئي، ايندڙ حڪمت عملي تي غور ويچار ڪيو ويو.
