ڪراچي (شوبز نيوز) پاڪستاني اداڪارا يشما گل کان هڪ انٽرويو ميزبان سوال ڪيو ته سوشل ميڊيا تي توهان جي هانيه عامر لاءِ رکيل سرپرائز برٿ ڊي پارٽي جي وڊيو وائرل ٿي جنهن ۾ توهان هانيه لاءِ لکين رپين جو خرچ ڪيو؟
ان تي يشما گل کلندي جواب ڏنو ته، ڇو ته اها سرپرائز برٿ ڊي پارٽي هئي، ان لاءِ ان تي لکن رپين جو خرچ آيو، جي توهان ان پارٽيءَ جي بجيٽ ڄاڻڻ چاهيوته مان توهان کي نه ٻڌائينديس.
اداڪارا چيو ته هانيه عامر منهنجي بيسٽ فرينڊ ۽ منهنجي ڀينرن جيان آهي.
بعد ۾ ڪيل سوال تي ته توهان سڀ کان وڌيڪ ڪهڙي شيءِ تي خرچ ڪندا آهيو؟ جي جواب ۾ اداڪارا چيو ته مان انهن ڏينهن ۾ گھر خريد ڪرڻ جو سوچي رهي هيس، جنهن جو ذڪر مون هڪ دوست سان ڪيو، ان مون کي تمام وڏي قيمتن وارا گھر ٻڌايا.
يشما گل چيو ته منهنجي دوستن جو چوڻ آهي ته مان ڪمايان گھٽ ٿي ۽ اڏايان گھڻو ٿي.
اداڪارا جو چوڻ هو ته منهنجو اي ٽي ايم منهنجي ملازمه ۽ اسسٽنٽ وٽ هوندو آهي، هوءَ پنهنجي مرضيءَ موجب خرچ ڪندي آهي ۽ مون وٽ ان جو ڪو حساب ناهي هوندو.
