بولان (نيشنل ڊيسڪ) ڪوئيٽا کان پشاور ويندڙ جعفر ايڪسپريس تي دهشتگردن جي حملي بعد فورسز جو آپريشن جار يآهي.
فورسز پاران هن وقت تائين 190يرغمالين کي بازياب ڪرايو ويو آهي جڏهن ته آپريشن دوران 30 دهشتگردن کي ماريو ويو آهي.
سڪيورٽي ذريعن موجب آپگهاتي بمبار دهشتگرد معصوم ماڻهن کي ڍال طور استعمال ڪري رهيا آهن.
سڪيورٽي فورسز يرغمالين سبب انتهائي احتياط کان ڪم وٺي رهي آهي.
دهشتگرد افغانستان ۾ پنهنجن سهولتڪارن سان رابطي ۾ آهن، سڪيورٽي فورسز ٽولين ۾ ورهايل دهشتگردن جو گهيرو تنگ ڪري ڇڏيو آهي.
ان کان اڳ بازياب ڪرايل 107 مسافرن ۾ 58 مرد، 31 عورتون ۽ 15 ٻارڙا ٻڌايا پيا وڃن جڏهن ته 17 زخمين کي اسپتالن ڏانهن منتقل ڪيو ويو آهي.
