اسلام آباد (نيشنل ڊيسڪ) قومي سلامتي جي پارلياماني ڪميٽي جو اِن ڪئمرا اجلاس، ذريعن موجب ڊي جي آءِ ايس آءِ پاران دهشتگردي جي واقعن تي بريفنگ ڏني وئي.
جعفر ايڪسپريس دهشتگردي واقعو افغانستان مان آپريٽ ڪيو ويو، دهشتگردي جي واقعن ۾ فتنه الخوارج ملوث آهن، فتنه الخوارج کي سرحد پار افغانستان مان مدد ملي رهي آهي.
بريفنگ موجب بنون ڪينٽ حملي ۾ افغان شهري ملوث هئا، دهشتگردي ۾ غيرملڪي جديد هٿيار استعمال ٿي رهيا آهن.
وزيراعظم جو چوڻ آهي ته بهادر جوان ملڪ جي سلامتي لاءِ پنهنجون جانيون قربان ڪري رهيا آهن، دهشتگردي ملڪ لاءِ ناسور بڻجي چڪي آهي، ملڪ کي دهشتگردي کان پاڪ ڪيو ويندو.
