اسلام آباد (نيشنل ڊيسڪ) وزيراعظم شهباز شريف اڄ کان 22 مارچ تائين سعودي عرب جو سرڪاري دورو ڪندو.
وزيراعظم شهباز شريف اڄ ٽِن ڏينهن جي دوري تي سعودي عرب روانو ٿيندو، سعودي عرب جي شهزادي محمد بن سلمان سان ملاقات ڪندو.
ٻنهي اڳواڻن ۾ ملاقات دوران واپار کي هٿي وٺرائڻ ۽ اقتصادي سهڪار وڌائڻ جي حوالي سان خيالن جي ڏي وٺ ٿيندي.
وزيراعظم هائوس جي ترجمان موجب، وزيراعظم جي دوري جو مقصد ٻه طرفا لاڳاپا مضبوط بڻائڻ ۽ اقتصادي سهڪار کي هٿي وٺرائڻ سميت سيڙپڪاري جا وڌيڪ موقعا پيدا ڪرڻ آهي.
