آمريڪا تي واضح ڪيو آهي ته ڪڏهن به دهشتگردي برداشت نه ڪئي ويندي: ڳالهيون
اسلام آباد (نيشنل ڊيسڪ) وزيراعظم جي پرڏيهي معاملن بابت خاص ٻانهن ٻيلي طارق فاطمي چيو آهي ته آمريڪا جي دوري دوران ٽرمپ انتظاميا سان جامع ملاقاتون ٿيون.
نئين انتظاميا جي اچڻ سان ملڪن جا بنيادي مسئلا تبديل نه ٿيندا آهن، آمريڪا کي گهربل دهشتگرد حوالي ڪرڻ تي پاڪستان جي واکاڻ ڪئي وئي.
وزيراعظم جي پرڏيهي معاملن بابت خاص مددگار طارق فاطمي خانگي ٽي وي کي انٽرويو ڏيندي چيو ته آمريڪي صدر جا دهشتگردي خلاف اهم بيان سامهون آيا آهن.
هنن آمريڪا تي واضح ڪيو آهي ته ڪڏهن به دهشتگردي برداشت نه ڪئي ويندي.
وزيراعظم شهباز شريف پاڙيسري ملڪن سان بهترين معاشي سهڪار چاهي ٿو، ايندڙ 3 کان 6 مهينن ۾ پاڪستان ۾ وڏي سيڙپڪاري اچڻ جو امڪان آهي.
