گڏيل قومن جي سيڪريٽري جنرل انتونيو گوتريس طرفان عيد الفطر جي موقعي تي دنيا جي مسلمانن کي مبارڪباد ڏني.
نيويارڪ (انٽرنيشنل ڊيسڪ) گڏيل قومن جي سيڪريٽري جنرل انتونيو گوتريس طرفان عيد الفطر جي موقعي تي دنيا جي مسلمانن کي مبارڪباد، امن، خوشحالي ۽ يڪجهتي لاءِ نيڪ خواهشن جو اظهار.
جاري ڪيل بيان ۾ انتونيو گوتريس، جنگ، تڪرار ۽ لڏ پلاڻ سبب پنهنجن خاندانن سان عيد نه ملهائيندڙن سان ڏک ۽ افسوس جو اظهار ڪيو.
انتونيو گوتريس چيو ته هي مبارڪ موقعو اسان کي اتحاد، رحم ۽ انسانيت جي واڌاري جو سبق سيکاري ٿو.
گڏيل قومن جي سيڪريٽري جنرل چيو ته عيد الفطر جو پاڪ ڏينهن ياد ڏياري ٿو ته امن ۽ ٻڌي کان سواءِ خوشحالي ناممڪن آهي.
هو دعا ٿو ڪري ته دنيا جا مسلمان پنهنجن خاندانن سان خوشي جون گهڙيون گذاري سگهن ۽ انهن لاءِ سولائي ٿئي جيڪي ڏکين حالتن کي منهن ڏئي رهيا آهن.
