آمريڪي صدر پاران ڳرا ٽئڪس مڙهيل ملڪن ۾ پاڪستان ۽ ڀارت به شامل
واشنگٽن (انٽرنيشنل ڊيسڪ) آمريڪي صدر ڊونلڊ ٽرمپ غريب ملڪن مٿان ڳرا ٽيڪس مڙهي ڇڏيا.
وائيٽ ھائوس ۾ پريس ڪانفرنس ڪندي ڊونلڊ ٽرمپ چيو آهي ته جوابي ٽيرف لاڳو ڪرڻ آمريڪا لاءِ سٺو ثابت ٿيندو.
25 ملڪن تي نئون ٽيرف لاڳو ڪيو پيو وڃي، پاڪستان، آمريڪا کان 58 سيڪڙو ٽيڪس اوڳاڙي ٿو، جنهن ڪري ان تي 29 سيڪڙو جوابي ٽيرف لاڳو ڪيو پيو وڃي.
ڀارت تي 25 سيڪڙو ۽ بنگلاديش تي 37 سيڪڙو ٽيرف لڳو ٿيندو، ويٽنام تي 46 سيڪڙو، تائيوان تي 32 سيڪڙو ٽيرف لاڳو.
ڏکڻ ڪوريا تي 25 سيڪڙو، ٿائيلينڊ تي 36 سيڪڙو، سوئٽزرلينڊ تي تي 31 سيڪڙو، انڊونيشيا 32 ۽ ملائيشيا تي 24 سيڪڙو جوابي ٽيرف لاڳو ڪيو ويو آهي.
آمريڪي صدر ٽرمپ موجب ڪمبوڊيا تي 49 سيڪڙو، ڏکڻ آفريڪا تي 30 سيڪڙو ٽيرف لاڳو ٿيندو.
سڀني درآمدات تي 10 سيڪڙو ٽيڪس لاڳو ڪيو ويندو، پرڏيھي گاڏين تي 25 سيڪڙو واڌو ٽيڪس لڳايا ويا آھن.
