پني عاقل ۾ پراڻي تڪرار تان پوليس اهلڪار مارجي ويو، غوثپور ۾ پراڻي تڪرار تان نوجوان قتل ٿيو، خيرپور ۾ سئوٽ هٿان سئوٽ قتل
ڪراچي (ويب ڊيسڪ) سنڌ جي مختلف شهرن ۾ ڌار ڌار واقعن ۾ پوليس اهلڪار سميت 4 ڄڻا قتل.
پني عاقل ڀرسان ڪلوڙ برادري جي ٻن ڌرين ۾ پراڻي تڪرار تان فائرنگ ۾ پوليس اهلڪار علي خان ڪلوڙ مارجي ويو، پوليس موجب ڌرين ۾ پراڻو خوني تڪرار هلندڙ هو.
غوثپور ويجهو ڪچي واري علائقي ۾ اوڳاھي برادري جي ٻن ڌرين ۾ ھلندڙ پراڻو خوني تڪرار ٻيهر ڀڙڪي اٿيو.
غوثپور ويجھو ڳوٺ محمد حيات اوڳاھي ۾ جهيڙي دوران ظهير اوڳاهي گولين جو کاڄ بڻجي ويو.
هوڏانهن خيرپور ۾ ٻارن جي معمولي ڳالھه تان سئوٽن ۾ جهيڙو ٿي پيو، سروٽا لڳڻ سبب آصف علي منگي قتل ٿي ويو.
ٻئي طرف ڌاٻيجي ويجهو آچار سالار ڳوٺ ڀرسان هٿياربندن جي فائرنگ ۾ عبدالستار بگٽي مارجي ويو، سندس پٽ عظمت الله بگٽي زخمي ٿي پيو.
