بلڙي شاهه ڪريم، قمبر، نيو سعيد آباد، مٺياڻي ۽ ٻين شهرن ۾ سياسي سماجي ڌرين پاران احتجاج جاري رکيو ويو
ڪراچي (ويب ڊيسڪ) سنڌوءَ تي ڌاڙي خلاف مختلف شهرن ۾ سياسي سماجي ڌرين پاران احتجاجي ريليون، مظاهرا ۽ ڌرڻا.
بلڙي شاهه ڪريم ۾ تڪراري ڪئنالن خلاف شهري، آبادگار، هاري، پورھيت روڊن تي نڪري آيا، پريس ڪلب کان شهيد بلو پنهور چوڪ تي ريلي ڪڍي ڌرڻو.
قمبر ۾ ڳوٺ ڀاوند لاکا جي رهواسين ٽريڪٽر ٽرالين جي ريلي ڪڍي، رتوديرو ۾ تعلقي بار ايسوسيئيشن پاران ٽوڪن هڙتال ۽ مظاهرو ڪيو.
نيوسعيدآباد ۾ بيداري پهچڻ تي شهرين پاران شاندار آجيان، موهن جو دڙو ۾ سنڌ سڀا، سنڌي ادبي سنگت جو شارٽ مارچ، جيڪب آباد ۾ احتجاجي مظاهرو ڪيو.
مٺياڻي ۾ شٽربند هڙتال ڪري مظاهرو ڪيو ويو، اڳواڻن جو چوڻ آهي ته سنڌو درياهه جي پاڻيءَ تي سڀ کان پهرين سنڌ واسين جو حق آهي.
مظاهرن جي اڳواڻ جو وڌيڪ چوڻ هو ته سنڌو درياهه مان ڪئنال ڪڍي سنڌ سڪائڻ جي سازش بند ڪئي وڃي.
