سنڌو درياهه جي پاڻي تي قبضي خلاف ٻٻرلوءِ باءِ پاس تي وڪيلن جو ٻئي ڏينهن به ڌرڻو جاري

ڌرڻي ۾ ڪراچي، حيدرآباد، سکر، نوابشاهه، لاڙڪاڻي سميت ٻين شھرن کان پهتل وڪيل ۽ سياسي سماجي ڌري جا اڳواڻ پهتل

ٻٻر لوءِ (ويب ڊيسڪ) سنڌو درياهه مان تڪراري ڪئنال ڪڍڻ خلاف ٻٻرلوءِ باءِ پاس تي وڪيلن جو ٻئي ڏينهن به ڌرڻو جاري.

ڌرڻي ۾ ڪراچي، حيدرآباد، سکر، نوابشاهه، لاڙڪاڻي سميت ٻين شھرن کان پهتل وڪيلن سان گڏوگڏ سياسي، سماجي قومپرست تنظيمن جا اڳواڻ ۽ ڪارڪن به ڌرڻي ۾ موجود.

وڪيل اڳواڻن جو چوڻ آهي ته سنڌو درياهه جو پاڻي سنڌ جي جياپي جو وسيلو آهي، جدوجهد ڊگهي به ٿي سگهي ٿي.

هنن چيو ته جيستائين وفاقي حڪومت تڪراري ڪئنالن واري منصوبي جي خاتمي جو نوٽيفڪيشن جاري نٿي ڪري تيستائين روڊن تي ويٺل هونداسين.