ٻيڙي ٻڏڻ سبب سوين ماڻهو گم ٿي ويا، حادثي جو شڪار ٿيل ٻيڙيءَ ۾ 5 سئو ماڻهو سوار هئا
ڪانگو (انٽرنيشنل ڊيسڪ) آفريڪي ملڪ ڪانگو ۾ ٻيڙيءَ کي باهه لڳڻ سبب فوت ٿيل ماڻهن جو انگ وڌي 148 ٿي ويو.
ٻيڙي ٻڏڻ سبب سوين ماڻهو گم ٿي ويا، ڪانگو اختيارين جو چوڻ آهي ته ڪاٺ جي ٺهيل ٻيڙي باهه لڳڻ سبب ڪانگو درياءَ ۾ ٻڏي وئي هئي.
ٻيڙيءَ کي باهه لڳڻ واري واقعي کان پوءِ ڪانگو اختيارين جو وڌيڪ چوڻ هو ته ڄاڻايل ٻيڙيءِ ۾ 5 سئو کان وڌيڪ مسافر سوار هئا، جن سان حادثو پيش آيو.
اختيارين جو چوڻ هو ته ٻڏي ويل ٻيڙيءَ ۾ سوار مسافرن جي لاشن جي ڳولا جاري آهي، هن وقت تائين مليل لاشن کي اسپتال منتقل ڪيو ويو آهي.
