صدر مملڪت آصف علي زرداري ۽ وزير اعظم شهباز شريف پاران علامه محمد اقبال کي زبردست ڀيٽا پيش
فيصل آباد (نيشنل ڊيسڪ) عظيم مفڪر ۽ شاعرِ مشرق، ڊاڪٽر علامه محمد اقبال جي ورسي عقيدت ۽ احترام سان ملهائي پئي وڃي.
صدر مملڪت آصف علي زرداري علامه محمد اقبال جي ورسي تي سندس سياسي ۽ فڪري خدمتن تي ڀيٽا پيش ڪئي.
هن چيو ته علامه اقبال جا خيال، فلسفو ۽ شاعري مشعل راهه آهن، اسان کي پنهنجي زندگي ۾ اقبال جي پيغام تي عمل ڪرڻ جي ضرورت آهي.
وزيراعظم شهباز شريف پنهنجي پيغام ۾ چيو ته اقبال موجب نوجوان اها قوت آهن، جيڪا قومن کي خوشحالي ڏانهن وٺي وڃي سگهن ٿا.
وزيراعظم جو وڌيڪ چوڻ هو ته نوجوانن کي بااختيار بڻائڻ گهرجي ته جيئن اهي ملڪي ترقي ۾ اهم ڪردار ادا ڪري سگهن.
