صدر آصف علي زرداري اجلاس ۾ ضرور ويٺل هو پر هُن ڪئنالن جي منظوري ناهي ڏني: پريس ڪانفرنس
خيرپور (ويب ڊيسڪ) پيپلز پارتي سنڌ جي صدر نثار احمد کهڙو چيو آهي ته پ پ مخالف آصف علي زرداري تي الزام ھڻندي نه ٿا ٿڪجن.
وساڻ هائوس خيرپور ۾ پريس ڪانفرنس ڪندي نثار کهڙو چيو ته صدر اجلاس ۾ ضرور ويٺو هو پر هُن ڪئنالن جي منظوري ناهي ڏني.
هن چيو ته ڪئنال پنجاب حڪومت ٺاهي رهي آهي پر مريم نواز جو ڪو نالو نٿو کڻي، رڳو آصف علي زرداري تي تنقيد ڪئي پئي وڃي.
پريس ڪانفرنس ڪندي هن چيوته ڪئنالن کي بند ڪرائڻ لاءِ جدوجهد اڃا تيز ڪنداسين،25 اپريل تي احتجاج ڪري وفاق تي اڃا وڌيڪ زور ڀرينداسين.
نثار احمد کهڙو وڌيڪ چيو ته اسان کي ڳالهين لاءِ اشارا ملي رھيا آھن پر عملي طور ڳالھين لاءِ اڃا آڇ ناھي ڪئي وئي.
