اسپتال انتظاميا موجب ينگ ڊاڪٽرن جي هڪ گروپ او پي ڊي کولرائي ته ڊاڪٽرن جي ٻئي گروپ او پي ڊي بند ڪرائي
ڪراچي (ويب ڊيسڪ) ڪراچيءَ جي جناح اسپتال ۾ ينگ ڊاڪٽرز جي ٻن گروپن ۾ جھيڙي جي نتيجي ۾ 5 ڊاڪٽر زخمي ٿي پيا.
اسپتال انتظاميا موجب ينگ ڊاڪٽرن جي هڪ گروپ او پي ڊي کولرائي ته ڊاڪٽرن جي ٻئي گروپ او پي ڊي بند ڪرائي ڇڏي، جنهن بعد جھيڙو شروع ٿيو.
اسپتال عملدارن جو چوڻ آهي ته گذريل هفتي مريضن سان گڏ آيلن پاران ڊاڪٽرن تي تشدد خلاف واءِ ڊي اي جو هڪ گروپ هن وقت تائين احتجاج تي آهي.
اسپتال انتظاميا موجب پوليس موقعي واري هنڌ پهچي صورتحال تي قابو آندو آهي ۽ وڌيڪ جھيڙي کي ٽاري ڇڏيو آهي.
اسپتال انتظاميا موجب اسپتال جو سموريون او پي ڊيز کولرايون ويون آهن ۽ ڪجھه ڊاڪٽرن کي پوليس پاڻ سان گڏ وٺي وئي آهي.
