محسن نقويءَ صدر کي پهلگام واقعي بعد ڀارت جي غير ذميواراڻن قدمن ۽ پاڪستان جي فيصلن بابت بريفنگ ڏني
اسلام آباد (نيشنل ڊيسڪ) وفاقي گهرو وزير محسن نقوي جي صدر آصف علي زرداري سان ملاقات.
گھرو وزير محسن نقوي صدر آصف علي زرداريءَ کي پهلگام واقعي بعد ڀارت جي غير ذميواراڻن قدمن ۽ قومي سلامتي ڪميٽي جي فيصلن بابت بريفنگ ڏني.
صدر آصف علي زرداري پاران قومي سلامتي ڪميٽيءَ جي وقت سر فيصلن جي واکاڻ ڪئي وئي.
سندس چوڻ آهي ته قومي سلامتي ڪميٽيءَ جا فيصلا قوم جي دل جو آواز آهن، سموري قوم سلامتي ڪميٽي جي فيصلن ۽ قدمن سان گڏ بيٺل آهي.
صدر چيو ته ڀارت جي بي بنياد الزامن ۽ غير منطقي قدمن جو ڪو جواز ناهي، دشمن ڪنهن غلط فهمي ۾ نه رهي، پاڪستان جو دفاع ناقابل شڪست آهي.
