پاڪستان ۾ دهشتگردن جو نيٽ ورڪ هوائيندڙ ڀارتي جاسوس گرفتار

جهلم ويجهو ڀارتي تربيت يافتا دهشتگرد عبدالمجيد گرفتار: آءِ ايس پي آر

جھلم (ويب ڊيسڪ) پاڪستان ملڪ ۾ دهشتگردي پکيڙيندڙ ڀارتي نيٽ ورڪ پڪڙي ورتو.

جهلم ويجهو ڀارتي تربيت يافتا دهشتگرد عبدالمجيد گرفتار، سندس گهر مان ڀارتي ڊرون ۽ 10 لک رپيا هٿ ڪيا ويا.

پاڪ فوج جي ترجمان ليفٽيننٽ جنرل احمد شريف چوڌري پاڪستان ۾ ڀارت جي رياستي دهشتگردي جا ثبوت به پيش ڪري ڇڏيا.

سندس چوڻ هو ته گرفتار شخص جو رابطو ڀارت ۾ صوبيدار سکوندر سان هو، رابطي ۾ پنجن ڀارتي آرمي آفيسرن جي نشاندهي ڪئي وئي آهي.

ڀارتي هينڊلر جي واٽس ايپ ذريعي ٿيل ڳالهه ٻولهه به پڪڙي وئي آهي، جنهن ۾ هُو دهشتگرد کي چئي رهيو آهي ته پاڪستاني شهرين جا لاش گهرجن.

آءِ ايس پي آر جي ترجمان موجب ڀارتي آفيسر دهشتگرد کي وڊيو ذريعي ڌماڪو ڪرڻ جي تربيت به ڏني.