جيستائين سنڌ جو عوام نه چاهيندو، سنڌو درياهه مان ڪو ڪئنال نه ٺهندو:خطاب
ميرپورخاص (ويب ڊيسڪ) سنڌ جي وڏي وزير مراد علي شاهه چيو آهي ته ڀارت ٻڌي ڇڏي ته اسان پنهنجي حقن لاءِ وڙهڻ ڄاڻون ٿا.
ملڪي سلامتي ۽ خودمختياري لاءِ اسان سڀ هڪ آهيون،سموري قوم پاڪ فوج سان ڪلهوڪلهي سان ملائي بيٺل آهي.
ميرپور خاص ۾ جلسي کي خطاب ڪندي مراد علي شاهه چيو ته دشمن ميري اک سان ڏٺو ته کين منهن ٽوڙ جواب ڏنو ويندو.
ڀارت هڪ طرفو سنڌ طاس معاهدو ختم نٿو ڪري سگهي، جيستائين سنڌ جو عوام نه چاهيندو، سنڌو درياهه مان ڪو ڪئنال نه ٺهندو.
مراد علي شاهه وڌيڪ چيو ته سنڌ جي پاڻي تي ڪنهن کي به ڌاڙو هڻڻ نه ڏنو ويندو،ڪئنالن واري منصوبي تي سازش ڪئي وئي ته پ پ وفاق سان مليل آهي پر پيپلزپارٽي پنهنجي جدوجهد سان مخالفن جا وات بند ڪري ڇڏيا.
