وزيراعظم شهباز شريف سان سعودي سفير نواف بن سعيد المالڪي جي ملاقات، پاڪ ڀارت ڇڪتاڻ تي ڳالهيون
رياض (انٽرنيشنل ڊيسڪ) وزيراعظم شهباز شريف چيو آهي ته سعودي عرب سميت دوست ملڪ ڇڪتاڻ ۾ گهٽتائي لاءِ ڀارت تي دٻاءُ وجهن.
دهشتگردي خلاف جنگ ۾ پاڪستان وڏو جاني ۽ مالي نقصان برداشت ڪيو آهي، پاڪستان جون قربانيون عالمي امن لاءِ انتهائي اهم ثابت ٿيون آهن.
وزيراعظم شهباز شريف سان سعودي سفير نواف بن سعيد المالڪي جي ملاقات ڪئي، سندس چوڻ هو ته پاڪستان هميشه هر قسم جي دهشتگردي جي مذمت ڪئي آهي.
وزيراعظم، پاڪستان سان ٻڌي جي اظهار تي سعودي قيادت ۽ عوام جا ٿورا مڃيا، سندس چوڻ هو ته پهلگام واقعي کي بنا ثبوتن جي پاڪستان سان جوڙڻ جي ڀارتي الزامن کي رد ڪريون ٿا.
پهلگام واقعي جي شفاف ۽ اڻڌري عالمي جاچ جو مطالبو، وزيراعظم طرفان ڏکڻ ايشيا ۾ امن ۽ استحڪام لاءِ پاڪستان جي عزم جو ورجاءُ.
