آمريڪي صدر ڊونلڊ ٽرمپ ڪشمير مسئلو حل ڪرڻ لاءِ قدم کڻي:آمريڪا ۾ مقرر پاڪستاني سفير
واشنگٽن (انٽرنيشنل ڊيسڪ) آمريڪا ۾ پاڪستان جي سفير سعيد شيخ چيو آهي ته آمريڪي صدر ڊونلڊ ٽرمپ ڪشمير مسئلو حل ڪرڻ لاءِ قدم کڻي.
ڪشمير ٻنهي ملڪن ۾ نيوڪليئر فليش پوائنٽ آهي، ڀارت حملو ڪيو ته ٻن ايٽمي طاقتن جي وچ ۾ جنگ خطرناڪ صورتحال اختيار ڪري سگهي ٿي.
آمريڪا ۾ مقرر پاڪستاني سفير سعيد شيخ آمريڪي ٽي وي کي انٽرويو ڏيندي چيو ته پاڪستان ڀارت طرفان پاڻي بند ڪرڻ کي جنگي قدم تصور ڪندو.
سعيد شيخ جو وڌيڪ چوڻ هو ته اسان پرامن پاڙيسري چاهيون ٿا، اسان جي امن جي خواهش کي ڪمزوري نه سمجهيو وڃي.
