امن چاهيون ٿا، اڳرائي وئي وئي ته پاڪستان پنهنجي قومي وقار ۽ عوام جي فلاح لاءِ پوري قوت سان جواب ڏيندو: خطاب
راولپنڊي (ويب ڊيسڪ) آرمي چيف جنرل عاصم منير چيو آهي ته پاڪستان جي خودمختياري يا جغرافيائي سالميت کي چيلينج ڪيو ويو ته ڀرپور جواب ڏنو ويندو، دشمنن جا ناپاڪ ارادا مٽيءَ ۾ ملائي ڇڏينداسين.
جي ايڇ ڪيو ۾ نيشنل سڪيورٽي ورڪشاپ کي خطاب ڪندي آرمي چيف چيو ته پاڪستان خطي ۾ امن جو خواهشمند آهي پر جيڪڏهن پاڪستان جي خودمختياري ۽ علائقائي سلامتي جي ڀڃڪڙي ڪئي وئي ته پاڪستان پنهنجي قومي وقار ۽ عوام جي فلاح لاءِ پوري قوت سان جواب ڏيندو.
آرمي چيف چيو ته هٿياربند فوج ۽ قانون لاڳو ڪندڙ ادارا ملڪي عوام جي مڪمل حمايت سان دهشتگردي خلاف جنگ جوٽيو پيا اچن.
