پاڪستان جي جنگي جهازن، جديد ڊرون ۽ ميزائلز ڀارت جي ملٽري ٿاڪن ۾ تباهي مچائي ڇڏي، جي ايف 17 ٿنڊر جا ڀارتي فضائن ۾ جلوا
راولپنڊي (نيشنل ڊيسڪ) ڀارتي اڳرائيءَ خلاف پاڪستان پاران آپريشن ”بُنيانُ المرصوص“ (شيهي جي ديوار) شروع ڪيو ويو.
پاڪستان جي جنگي جهازن، جديد ڊرون ۽ ميزائلز ڀارت جي ملٽري ٿاڪن ۾ تباهي مچائي ڇڏي، ڪيترائي فوجي ٿاڪ تباهه ڪيا ويا.
پاڪستاني ميزائلن اڳيان ڀارت جو ايس 400 ڊفينس ميزائل سسٽم مڪمل طرح ناڪام ٿي ويو، ڀارت جي 10 وڏن ھدفن کي نشانو بڻايو ويو.
سڪيورٽي ذريعن جو چوڻ آهي ته پٺاڻ ڪوٽ ۾ ايئر فيلڊ، آدم پور جي ڀارتي ايئر بيس، آرٽلري گن پوزيشن دهر نگياري، براهموس سٽوريج سائٽ، اوڌم پور ايئر بيس، برگيڊ هيڊ ڪوارٽر ڪي جِي ٽاپ، اڙي سپلائي ڊپو کي به مڪمل تباهه ڪيو ويو.
بياس جي علائقي براهموس ميزالن جي ذخيري کي به نشانو بڻايو ويو.
پاڪستاني سائبر حملي ذريعي هندستان جي 70 سيڪڙو بجلي بند ٿي وئي، ڀارتي راڄڌاني نئين دهلي جي فضائن ۾ پاڪستاني ڊرونز جون اڏامون.
پاڪستان جي ويڙهاڪ جهازن خاص طور ”جي ايف 17 ٿنڊر“ جا ڀارتي فضائين جلوا ۽ جھڙپون، بهترين ايئر اسٽرائيڪ جا جلوا ڪئمرائن جي اکين ۾محفوظ.
