پاڪستان جي بقا جي لاءِ ڀارت کي جواب ڏيڻ انتهائي ضروري هو: بچاءَ وارو وفاقي وزير
سيالڪوٽ (نيشنل ڊيسڪ) ”وه جو قرض رکتي ٿهي جان پر، وه حساب آج چڪا ديا“ بچاءَ واري وزير خواجا آصف شعر ذريعي دشمن کي اهم پيغام ڏئي ڇڏيو.
ڀارتي اڳرائي جو منهن ٽوڙ جواب ڏيڻ تي خواجا آصف ٽوئيٽ ڪندي شعر ذريعي پنهنجي جذبن جو اظهار ڪيو.
بچاءَ واري وزير خواجه آصف جو چوڻ آهي ته پاڪستان جي بقا جي لاءِ ڀارت کي جواب ڏيڻ انتهائي ضروري هو، ڀارت کي جواب ملڻ کان پوءِ ان جو ٺاهه طرف اچڻ انتهائي ڏکيو بڻجي ويو آهي.
خواجه آصف چيو ته ڀارت معاملي کي اينگھائيندو ته ان سان سندس وڌيڪ نقصان ٿيندو، اڳئين ليول جي لاءِ به کيس تيار رهڻو آهي.
بچاءَ واري وفاقي وزير خواجه آصف وڌيڪ چيو ته وڏي جنگ ٿي ته پوءِ اها هن خطي تائين محدود نه رهندي، ان باوجود ايٽمي جنگ جو ڪو به امڪان ناهي.
