اسرائيلي هوائي حملي ۾ جباليه ۾ هڪ عمارت تباهه، 50 کان وڌيڪ فلسطيني دٻجي فوت
غزا (انٽرنيشنل ڊيسڪ) غزا ۾ اسرائيلي فوج جا حملا جاري، بمباري ۾ وڌيڪ 66 فلسطيني شهيد ٿي ويا، 185 کان مٿي زخمي ٿي پيا.
پرڏيهي ميڊيا موجب اسرائيلي هوائي حملي ۾ جباليه ۾ هڪ عمارت مڪمل تباهه ٿي وئي، 50 کان وڌيڪ فلسطيني ملبي هيٺان دٻجي ويا.
خانس يونس جي المحل محلي ۾ رهائشي عمارت کي نشانو بڻايو ويو، ٻن ڏينهن ۾ بکن سبب ٻارن سميت 29 فلسطيني شهيد ٿي چڪا.
گڏيل قومن جي سيڪريٽري جنرل انتونيو گوتريس جو چوڻ آهي ته اسرائيل طرفان غزا ۾ فراهم ٿيندڙ امداد جي اجازت اٽي ۾ لوڻ برابر ڏني وئي آهي.
