عدالت محفوظ ڪيل فيصلو نه ٻڌايو، 26 مئي تي ڪيس جو فيصلو ٻڌائڻ جو امڪان: ڪورٽ ذريعا
ڪراچي (ويب ڊيسڪ) ڪراچيءَ جي دهشتگرديءَ جي انت واري خاص عدالت چڪرا ڳوٺ سانحي ۾ پوليس وين تي حملي ۽ اهلڪارن جي قتل ڪيس ۾ايم ڪيو ايم ڪورنگي جي اڳوڻي سيڪٽر انچارج رئيس مما سميت 13 جوابدارن جي خلاف فيصلو ٻيهر ملتوي ڪري ڇڏيو.
ڊان نيوز موجب 13 سال پراڻي ڪيس ۾ پوليس ايم ڪيو ايم جي رئيس مما ۽ ٻين 13 جوابدارن کي دهشتگرديءَ جي انت واري عدالت ۾پيش ڪيو.
عدالت محفوظ ڪيل فيصلو نه ٻڌايو، ڪورٽ ذريعن جو چوڻ آهي ته 26 مئي تي ڪيس جو فيصلو ٻڌائڻ جو امڪان آهي.
چڪرا ڳوٺ سانحي جي ٻڌڻي مڪمل ٿي چڪي، وڪيلن طرفان آخري دليل پيش ڪرڻ کان پوءِ عدالت پنهنجو فيصلو محفو ڪيو هو جيڪو اڄ ٻڌائڻو هو.
جوابدارن جي وڪيل عابد زمان ايڊووڪيٽ جو چوڻ هو ته پراسيڪيوشن جوابدارن جي خلاف شاهد پيش ڪرڻ ۾ ناڪام وئي آهي.
اسامه علي ايڊووڪيٽ چيو ته جوابدار رئيس مما جي ٽرائل دوران ڪنهن به شاهد سڃاڻپ نه ڪئي، بئريسٽر ساره عاصم چيو ته جوابدارن کي ڪيس مان بري ڪيو ويندو.
پراسيڪيوشن موجب جوابدار رئيس مما 2011ع تي ڪورنگي ۾ پنهنجي دهشت ۽ هڪ هٽي قائم ڪرڻ لاءِ چڪرا ڳوٺ ۾ پوليس وين تي حملو ڪو هو.
فائرنگ جي ڪري سنڌ ريزرو پوليس (ايس آر پي) جا 3 اهلڪار شهيد جڏهن ته اهلڪار سميت 27 ماڻهو زخمي ٿي پيا هئا.
صفائي وڪيل موجب ڪيس ۾ اڳوڻي سيڪٽر انچار رئيس مما، عمران لمبا، انعام، گل محمد، قاسم، عمير سميت 13 جوابدار گرفتار آهن.
ياد رهي ته ايم ڪيو ايم جي ڄاڻايل جوابدارن جي خلاف 2011ع ۾ زمان ٽائون ٿاڻي ۾ ڪيس داخل ڪيو ويو هو.
