ٽئڪس نه ڏيندڙن خلاف وڌيڪ سخت قدمن سميت فوجداري ڪيس داخل ڪيا وڃن: تجويز
اسلام آباد (نيشنل ڊيسڪ) آءِ ايم ايف جو روينيو وڌائڻ لاءِ ٽئڪس نه ڏيندڙن خلاف گهيرو وڌيڪ تنگ ڪرڻ جو مطالبو، سخت قدم کڻڻ جي تجويز.
ذريعن جو چوڻ آهي ته آءِ ايم ايف تجويز ڏني آهي ته ٽئڪس نه ڏيندڙن خلاف وڌيڪ سخت قدم کنيا وڃن.
آءِ ايم ايف پاران پي او ايس تي ٽئڪس چوري جو ڏنڊ 5 لکن مان وڌيڪ 50 لک رپيا ڪرڻ جي تجويز.
ڏنڊ سان گڏ فوجداري ڪيس داخل ڪرڻ جي به تجويز ڏني وئي، ٽئڪس اختيارين جي استعمال ۾ اضافو ۽ شفافيت آندي وڃي.
آءِ ايم ايف عملدارن جو وڌيڪ چوڻ هو ته ٽئڪس چوري روڪڻ لاءِ ٽيڪنالاجي جو استعمال وڌيڪ وڌايو وڃي.
