پاڪستان سان چڪرين ۾ ڀارت جا جنگي جهاز گم ٿيا آهن: ڀارتي چيف آف ڊفينس اسٽاف
ممبئي (انٽرنيشنل ڊيسڪ) ڀارتي فوج پهريون ڀيرو پاڪستان ايئر فورس هٿان ڀارتي جنگي جهاز تباهه ٿيڻ جي تصديق ڪري ڇڏي.
ڀارتي چيف آف ڊفينس اسٽاف جنرل انيل چوهاڻ آمريڪي رسالي کي انٽرويو ڏيندي چيو آهي ته پاڪستان سان چڪرين ۾ ڀارت جا جنگي جهاز گم ٿيا آهن.
پاڪستان هٿان 6 جنگي جهاز ڪيرائڻ واري سوال جي جواب ۾ ڀارتي جنرل انيل چوهاڻ جهازن جو انگ ٻڌائڻ کان انڪار ڪندي چيو ته اهو اهم معاملو ناهي، اسان لاءِ اهم اهو آهي ته ڀارتي جهاز ڪيئن ڪريا؟
ان کان اڳ ڀارتي حڪمران پارٽي جي اڳواڻ سبرامينن سوامي پاڪ فوج طرفان 5 ڀارتي جهاز ڪيرائڻ جو اعتراف ڪيو هو..
