بلاول ڀٽو زرداري جي اڳواڻي ۾ وفد جي آمريڪي ڪانگريس ۾ پاڪستاني ڪاڪس نمائندن سان ملاقات
نيويارڪ (انٽرنيشنل ڊيسڪ) پاڪستاني پارلياماني وفد جي سربراهه بلاول ڀٽو زرداري جو ڀارت کي دنيا آڏو وائکو ڪرڻ وارو مشن ڪاميابي سان جاري.
بلاول ڀٽو زرداري جي اڳواڻي ۾ وفد جي آمريڪي ڪانگريس ۾ پاڪستاني ڪاڪس جي نمائندن سان ملاقات.
آمريڪي ٿنڪ ٽينڪ سي ايس آءِ ايس جو به دورو، مباحثي دوران پاڪستان جو موقف پيش ڪيو ويو.
پارلياماني وفد جي سربراهه طرفان دهشتگردي خلاف آءِ ايس آءِ ۽ ڀارتي ڳجهي اداري را کي گڏجي ڪم ڪرڻ جي تجويز.
بلاول ڀٽو زرداري چيو ته امن واپار جا دروازا کوليندو ۽ تڪرار گهٽ ڪندو، ڀارت سان امن چاهيون ٿا.
هن چيو ته دنيا ٻڌائي ته ڪنهن جي لائيف لائن ڪٽي وڃي ته ڪهڙو ردعمل هوندو آهي.
بلاول ڀٽو زرداريءَ جو وڌيڪ چوڻ هو ته حالتون خراب ٿيڻ کان اڳ عالمي برادري کي ڪردار ادا ڪرڻ گهرجي.
