الله تعاليٰ سموري مخلوق کي تقويٰ جو حڪم ڏنو ۽ حرام ڪمن کان روڪيو آهي: خطيب ۽ پيش امام مسجد نمره
مسجد نمره (انٽرنيشنل ڊيسڪ) مسجد نمره جي پيش امام ڊاڪٽر صالح بن عبدالله حج جو خطبو ڏيندي چيو ته الله تعاليٰ کان ڊڄو ۽ تقويٰ اختيار ڪيو.
تقويٰ دنيا ۽ آخرت ٻنهي هنڌن تي خير جو سبب آهي، تقويٰ اختيار ڪرڻ ايمان وارن جي نشاني آهي، الله تعاليٰ سموري مخلوق کي تقويٰ جو حڪم ڏنو ۽ حرام ڪمن کان روڪيو آهي.
خطيب ۽ پيش امام جو چوڻ هو ته شريعت تي عمل ڪيو ۽ دين کي پاڻ وٽ رکو، الله تعاليٰ صبر ڪرڻ وارن سان گڏ آهي، زمين ۽ آسمانن جو مالڪ رڳو هڪ الله آهي.
خطيب ۾ وڌيڪ چيو ته تقويٰ اختيار ڪندڙن کي جنت جي خوشخبري ٻڌائي وئي آهي، اي ايمان وارئو! پنهنجي پاڙيسرين جي حقن جو خيال رکو.
شيطان اوهان جو دشمن آهي، ان کان پري رهو، الله ۽ ان جي دين تي قائم رهو، الله ۽ ان جي رسول ﷺ جي درس تي عمل ڪيو.
خطيب مسجد نمره جو وڌيڪ چوڻ هو ته اهڙي عمل کان بچو، جنهن سان الله تعاليٰ ناراض ٿيندو آهي.
الله تعاليٰ قرآن پاڪ ۾ فرمايو اڄوڪي ڏينهن اوهان جو دين مڪمل ڪيو ويو، الله تعاليٰ تڪبر ڪندڙن کي پسند ناهي ڪندو.
