وزيراعظم گڏيل عرب رياستن جي هڪ ڏينهن جي سرڪاري دوري تي ابوظهبي پهچي ويو

وزيراعظم سان نائب پرڏيهي وزير اسحاق ڊار، وفاقي وزير ۽ سينيئر آفيسرن تي ٻڌل اعليٰ سطحي وفد به ساڻس گڏ

ابوظهبي (انٽرنيشنل ڊيسڪ) وزيراعظم شهباز شريف گڏيل عرب رياستن جي هڪ ڏينهن جي سرڪاري دوري تي ابوظهبي پهچي ويو.

وزيراعظم شهباز شريف سان گڏ نائب وزيراعظم ۽ پرڏيهي وزير اسحاق ڊار، وفاقي وزير ۽ سينيئر آفيسرن تي ٻڌل اعليٰ سطحي وفد به ساڻس گڏ موجود.

پرڏيهي کاتي جي ترجمان جو چوڻ آهي ته وزيراعظم امارات جي صدر محمد بن زايد النهيان سان ملاقات ڪندو.

نائب وزيراعظم ۽ پرڏيهي وزير اسحاق ڊار 17 کان 19 جون تائين نيويارڪ ۾ گڏيل قومن جي هڪ عالمي ڪانفرنس ۾ شرڪت ڪندو.

پرڏيهي کاتي جي ترجمان موجب، ڪانفرنس فلسطين جي مسئلي جي پرامن ۽ ٻن رياستن واري حل تي ٻڌل هوندي.