160

راڻيپور ۾ انتظامي نااهلي، برساتي ۽ گٽرن جو گندو پاڻي گهرن ۽ دڪانن ۾ ڪاهي پيو، مظاهرو

راڻيپور ۾ انتظامي نااهلي، برساتي ۽ گٽرن جو گندو پاڻي گهرن ۽ دڪانن ۾ ڪاهي پيو، مظاهرو

راڻيپور(ن سوڀ) راڻيپور ۾ انتظامي نااهلي، برساتي ۽ گٽرن جو گندو پاڻي گهرن ۾ ۽ دڪانن ۾ ڪاهي پيو، مظاهرو، ان سلسلي ۾ قومي شاهراهه، ميمڻ پاڙي، کير بازار، شاهي بازار، ٿاڻي واريگهٽي، ريشم گلي، ڀٽائي پاڙو ۽ ٻيا علائقا ٻڏي ويا، انصاري پاڙو، رزاق ڪالوني، پراڻي بس اسٽينڊ، عيسو لاکو روڊ، شاهي بازار، بوائز ۽ گرلز اسڪول جي روڊن تي تلاءَ ٿي ويا، هوڏانهن نالين ۽ برسات جو پاڻي گهرن ۽ دڪانن ۾ بيهڻ سبب شهرين جي زندگي مفلوج ٿي وئي آهي، گذريل ڏينهن متاثر شهرين ٽائون انتظاميا خلاف احتجاجي مظاهرو ڪري نعريبازي ڪئي، ان موقعي تي شيخ شڪيل، اسد وساڻ، عاصي فقير عباسي، عابد علي ۽ ٻين دانهيندي ٻڌايو ته پبلڪ هيلٿ ۽ ٽائون انتظاميا جي نااهلي سبب نالين جي صفائي ناهي ٿي، برسات دوران گٽر ۽ ناليون ابتيون وهڻ سبب پاڻي بيٺو آهي، هنن چيو ته انتظاميا کي بار بار آگاهي ڏيڻ باوجود ڪو به تدارڪ ناهي ڪيو ويو، ڪجهه مخصوص گهٽين مان پاڻي ڪڍرائي فوٽو سيشن ڪري شهرين جي اکين ۾ ڌوڙ وجهي رهيا آهن، پاڻي گهرن ۾ اندر بيٺو آهي، گهر ڪرن جو خطرو آهي، چيف سيڪريٽري، ڪمشنر ۽ ڊي سي نوٽيس وٺي پاڻي نيڪال ڪرائين.

هن خبر تي پنهنجي راءِ جو اظهار ڪريو.

پنهنجي راءِ ڏيو