125

روس جي جديد ترين ۽ خطرناڪ هٿيارن جي حوالي سان وڏي آڇ

روس جي جديد ترين ۽ خطرناڪ هٿيارن جي حوالي سان وڏي آڇ

ماسڪو(ويب ڊيسڪ)روس جي صدر ولادي مير پيوٽن چيو آهي ته اسان جديد ترين هٿيار پنهنجي اتحادي ملڪن کي وڪرو ڪرڻ ۽ فوجي ٽيڪنالاجي جي تياري ۾ سهڪار ڪرڻ لاءِ تيار آهيون.هن چيو ته روس جا نوان هٿيار ٻين ملڪن جي ڀيٽ ۾ وڌيڪ بهتر آهن.ماسڪول ۾ اسلحي جي نمائش جي موقعي تي روسي صدر چيو آهي ته اسان جا هٿيار ٻين گهڻن ملڪن کان بهتر آهن.هن چيو ته روس جا لاطيني آمريڪا، ايشيا ۽ آفريقا سان لاڳاپا مضبوط آهن ۽ اسان پنهنجي شرڪت ڪندڙن ۽ اتحادين کي جديدن ترين هٿيارن جي پيشڪش ڪرڻ لاءِ تيار آهيون.هن وڌيڪ ڳالهايو ته اسان ننڍن هٿيارن کان وٺي ويڙهاڪ جهيڙا، ڊرونز ۽ ٻيا هٿيار اتحادين کي ڏئي سگهون ٿا ۽ انهن هٿيارن کي حقيقي جنگي آپريشنز ۾ هڪ کان وڌيڪ ڀيرا استعمال ڪري سگهجن ٿا.روسي صدر چيو ته اسان جديد ترين هٿيارن ۽ روبوٽڪس جي ڳالهه ڪري رهيا آهيون جن مان گهڻي قدر ٻين ملڪن جي ٽيڪنالاجي کان ڪيترائي سال اڳتي آهن.اهو خطاب يوڪرين جنگ کانپوءِ مختلف اتحادين جهڙوڪ چين، ايران ۽ ٻين سان سهڪار وڌائڻ جي مهم جو حصو آهي ته جيئن آمريڪي برتري کي ختم ڪيو وڃي.ولادي مير پيوٽن جو چوڻ هو ته اسان سان گڏ ڪيترائي ئي هم خيال اتحادي ۽ شرڪت ڪندڙ ملڪ آهن، انهن جا اڳواڻ ڪنهن جي به اڳيان جهڪڻ لاءِ تيار ناهن.

هن خبر تي پنهنجي راءِ جو اظهار ڪريو.

پنهنجي راءِ ڏيو