166

خيرپور ڀرسان پرائمري اسڪول جي ڇت جا چاپڙ ڪري پيا، 20 شاگرد زخمي، ڀاڄ

خيرپور ڀرسان پرائمري اسڪول جي ڇت جا چاپڙ ڪري پيا، 20 شاگرد زخمي، ڀاڄ

خيرپور (ڊ ر) خيرپور ڀرسان پرائمري اسڪول جي ڇت جا چاپڙ ڪري پيا، 20 شاگرد زخمي، ڀاڄ، ان سلسلي ۾ جهلوجي ڳوٺ ۾ تيز برساتن کانپوءِ زبون ٿيل پرائمري اسڪول ۾ پڙهائي دوراناوچتو چاپڙ ڪري پيا، چاپڙ ڪرڻ سبب شاگردن ۽ استاد ۾ ڀاڄ پئجي وئي، عرفان، ياسر، فهيم، قلندر بخش ۽ ٻيا شاگرد زخمي ٿيا، زخمين ۾ نديم، امجد، فرحانا، لعل ڏنو، علي بخش، ممتاز علي ۽ فياض حسين سميت 20 ڄڻا شامل، هڪ استاد به زخمي ٿيو، زخمي شاگردن ۽ استاد کي علائقي جي ڀروارين اسپتالن ۾ آندو ويو، جڏهن ته واقعي بعد ڳوٺ ۾ خوف ۽ حراس پکڙيل آهي، ڳوٺاڻن وڏي وزير، تعليم واري صوبائي وزير ۽ ايم اين اي نفيسا شاهه جيلاني کان مطالبو ڪيو آهي ته اسڪول جي مرمت ڪرائي شآگردن جي حياتي بچائي وڃي.

هن خبر تي پنهنجي راءِ جو اظهار ڪريو.

پنهنجي راءِ ڏيو